தனியார் பள்ளி விடுதியில் தூக்கிட்டுத் தற்கொலை செய்து கொண்ட பிளஸ் 1 மாணவரின் உடலை மீண்டும் பிரேத பரிசோதனை செய்ய சென்னை உயர் நீதிமன்றம் உத்தரவிட்டது. மேலும், இந்தப் பிரேதப் பரிசோதனையை விடியோ எடுக்கவும் நீதிமன்றம் உத்தரவிட்டது.
நான் குடும்பத்துடன் நெய்வேலியில் வசித்து வருகிறேன். நெய்வெலி நிலக்கரி நிறுவனத்தில் தொழில்நுட்ப வல்லுநராகப் பணியாற்றுகிறேன். என்னுடைய மூத்த மகன் ராம்குமார் பெரம்பலூரில் உள்ள தனலட்சுமி ஸ்ரீனிவாசன் மெட்ரிகுலேசன் பள்ளியில் பிளஸ் 1 படித்து வந்தான்.
கடந்த 22-ஆம் தேதி பிற்பகல் 1 மணியளவில் எனது மனைவிக்கு, அந்தப் பள்ளியிலிருந்து ஒரு தகவல் வந்தது. அதில், எனது மகன் தூக்கிட்டுத் தற்கொலை செய்து கொண்டதாகத் தெரிவிக்கப்பட்டது. எனது மகன் இறப்பு குறித்து விசாரணை செய்ய வேண்டுமென காவல் நிலையத்தில் விரிவான புகார் அளித்தேன்.
ஆனால், எனது மகன் இறப்பை சந்தேக மரணம் எனப் பதிவு செய்து, அதன் பிறகு தற்கொலை என மாற்றிவிட்டனர். எனவே, எனது மகன் இறப்பு குறித்து சிபிஐ விசாரணைக்கு உத்தரவிட வேண்டும். மேலும், எனது மகன் உடலை மீண்டும் பிரேதப் பரிசோதனை நடத்த உத்தரவிட வேண்டும் என மனுவில் கோரப்பட்டது.
இந்த மனு நீதிபதி கே.கல்யாணசுந்தரம் முன்பு திங்கள்கிழமை விசாரணைக்கு வந்தது. அரசு தரப்பில் அரசு கூடுதல் வழக்குரைஞர் பி.சஞ்சய்காந்தி ஆஜரானார். மனுவை விசாரித்த நீதிபதி, இறந்த மாணவரின் உடலை தஞ்சாவூர் அரசு மருத்துவக் கல்லூரி முதல்வரின் முன்னிலையில் ஜனவரி 2 அல்லது அதற்கு முன்பாக மறு பிரேதப் பரிசோதனை செய்ய வேண்டும்.
இந்தப் பரிசோதனையை அரசால் அங்கீகரிக்கப்பட்ட விடியோகிராஃபரால் விடியோ எடுக்க வேண்டும் என உத்தரவிட்டார். இதைத் தொடர்ந்து, ஜனவரி 22-ஆம் தேதிக்கு இந்த வழக்கு ஒத்தி வைக்கப்பட்டது.
0 Comments
அனைத்திந்திய ஆசிரியர் பேரவை நண்பர்களே..
நீங்கள் ஒவ்வொருவரும்
அனைத்திந்திய ஆசிரியர் பேரவையின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. "அனைத்திந்திய ஆசிரியர் பேரவை" இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ "அனைத்திந்திய ஆசிரியர் பேரவை குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன்
அனைத்திந்திய ஆசிரியர் பேரவை