மாட்டு சாணத்தை விற்று படித்து பிளஸ் 2 தேர்வில் பள்ளியில் முதல் மாணவனாக தேர்ச்சி பெற்ற மாணவன், ஏழ்மை காரணமாக மேற்படிப்புக்கு செல்ல முடியாத நிலையில் உள்ளார்.
தேனி மாவட்டம் பெரியகுளம் அருகே வடுகபட்டி ராஜேந்திரபுரம் வ.உ.சி., தெருவை சேர்ந்தவர் பி.கணேஷ். பிளஸ் 2 தேர்வில் 1069 மதிப்பெண் (தமிழ்186, ஆங்கிலம்167, கணிதம்190, இயற்பியல்189, வேதியியல்175, உயிரியல்162) பெற்று வடுகபட்டி அரசு மேல்நிலைப்பள்ளியில் முதல் மாணவனாக தேர்ச்சி பெற்றார். பிளஸ் 2 ல் தேர்வாகிய மாணவ, மாணவிகள் கல்லூரி விண்ணப்பங்களை பூர்த்தி செய்து கொண்டிருக்கும் வேலையில் கணேஷ் தனது பாட்டி நாகுபிள்ளை, 70, யுடன் மாட்டுசாணம் சேகரிக்கும் வேலையில் ஈடுபட்டுள்ளார். எருவை விற்றால் தான் வீட்டில் சாப்பிடுவதற்கு அடுப்பு எரியும் என்ற நிலை. இவரது தாய் முருகேஸ்வரி ஐந்து ஆண்டுகளுக்கு முன் இறந்தார். சில மாதங்களிலேயே தந்தை பரணிகுமார், வேறொரு திருமணம் செய்து கொண்டு மகனை விட்டு பிரிந்தார். பாட்டி நாகுபிள்ளை, மாட்டு சாணத்தை எருவாக்கி விற்று, கணேசை படிக்க வைத்துள்ளார். பள்ளி முடிந்து பக்கத்து வீட்டுக்காரர்கள், உறவினர்கள் சொல்லும் வேலைகளை செய்ததால் சிறு உதவிகளை பெற்றுள்ளார். பத்தாம் வகுப்பு தேர்வில் 473 மதிப்பெண்கள் எடுத்தார். வயதான காலத்தில் வெயிலிலும், மழையிலும் உழைக்கும் நாகுபிள்ளையின் ஆதரவி னால் பிளஸ் 2 படிப்பை முடித்தவருக்கு மேற்படிப்புக்கு விண்ணப்பிக்க முடியாத நிலை உள்ளது. இவர் பி.எஸ்சி., வேதியியல் படிக்க விரும்புகிறார். இவரது படிப்புக்கு உதவி கரம் நீட்ட: 99651 38574.
0 Comments
அனைத்திந்திய ஆசிரியர் பேரவை நண்பர்களே..
நீங்கள் ஒவ்வொருவரும்
அனைத்திந்திய ஆசிரியர் பேரவையின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. "அனைத்திந்திய ஆசிரியர் பேரவை" இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ "அனைத்திந்திய ஆசிரியர் பேரவை குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன்
அனைத்திந்திய ஆசிரியர் பேரவை