ஆசிரியர், அரசு ஊழியர்கள் போராட்டத்தை எதிர்த்து நாமக்கல்லில் ஓய்வுபெற்ற அரசு ஊழியர் அறப் போராட்டத்தில் ஞாயிற்றுக்கிழமை ஈடுபட்டார்.
நாமக்கல் மாவட்டம், ராசிபுரம் அருகே அத்தனூர் சின்னப்பாவடி தெருவைச் சேர்ந்தவர் லோகநாதன் (68). பொதுப் பணித் துறையில் உதவியாளராகப் பணிபுரிந்து ஓய்வுபெற்றவர். இவர் அரசு ஊழியர்கள், ஆசிரியர்கள் போராட்டத்தை எதிர்த்து நாமக்கல் பூங்கா சாலையில் அறப்போராட்டத்தில் ஈடுபட்டார்.
அரசு ஊழியர்கள், அங்கன்வாடி, சத்துணவு அமைப்பாளர்கள், உதவியாளர்கள், ஆசிரியர்கள் பல்வேறு கோரிக்கைகளை வலியுறுத்தி, சாலை மறியல், உள்ளிருப்புப் போராட்டத்தில் ஈடுபட்டு வந்தனர். இதை எதிர்த்து அறப்போராட்டத்தில் ஈடுபட்டதாக லோகநாதன் தெரிவித்தார். இதுகுறித்து அவர் மேலும் கூறியது: 6-ஆவது ஊதியக் குழுவில் அரசு ஊழியர்களுக்கு ஊதியம் அதிகமாக நிர்ணயிக்கப்பட்டுள்ளது. மக்கள் நல முன்னணி என்ற அரசியல் கட்சிகளின் கூட்டமைப்பை நடத்தி வருகிறோம். நாங்கள் ஆட்சிக்கு வந்தால் முதல் ஆணையில் 6-ஆவது ஊதியக் குழு அறிக்கையை திரும்பப் பெறுவோம். உலக வங்கியின் புள்ளிவிவரப்படி, இந்தியாவில்தான் அரசு ஊழியர்களுக்கு ஊதியம் அதிகம். தமிழகத்தில் ஒரு அலுவலருக்கு ஆண்டு ஊதியம் ரூ.20 லட்சம். இது ஒரு பேரூராட்சி வருமானத்தைவிட அதிகம். ஒரு ஆசிரியருக்கு ஆண்டு ஊதியம் ரூ.9 லட்சம். இந்த அளவுக்கு அரசு ஊதியம் வழங்கிய போதும் எங்கு பார்த்தாலும் சட்ட விரோதப் போராட்டம் நடக்கிறது. இதனால், போலீஸாருக்கு மிகுந்த பணிச் சுமை, இதனால், அவர்கள் சமூக விரோத சக்திகள் மீது கவனம் செலுத்த முடியவில்லை என்றார்.
0 Comments
அனைத்திந்திய ஆசிரியர் பேரவை நண்பர்களே..
நீங்கள் ஒவ்வொருவரும்
அனைத்திந்திய ஆசிரியர் பேரவையின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. "அனைத்திந்திய ஆசிரியர் பேரவை" இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ "அனைத்திந்திய ஆசிரியர் பேரவை குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன்
அனைத்திந்திய ஆசிரியர் பேரவை