Ads

Blogger Tips and TricksLatest Tips And TricksBlogger Tricks

Monday, March 31, 2014

ஓட்டுச்சாவடி அலுவலருக்கு பணி ஆணை "ரெடி"!!!

ஓட்டுச்சாவடியில் பணிபுரியும் அலுவலர்களுக்கான பணி ஆணையை தேர்தல் கமிஷன்அந்தந்த தேர்தல் நடத்தும் அலுவலர்களுக்கு வழங்கி உள்ளது. 
தாலுகா அளவில்அவை பிரித்து வழங்கும் பணி நடக்கிறது. தமிழகத்தில், ஏப்ரல், 24ம் தேதி லோக்சபா தேர்தல் ஓட்டுப்பதிவு நடக்கிறது. மொத்தம், புதிய வாக்காளர் சேர்க்காமல், 5.37 கோடி வாக்காளர்கள் உள்ளனர். 60 ஆயிரத்து 418 ஓட்டுச்சாவடி மையங்கள் உள்ளன. ஒவ்வொரு ஓட்டுச்சாவடி மையத்துக்கும், 5 பேர் வீதம் ஓட்டுச்சாவடி நிலை அலுவலர்கள் பணியமர்த்தப்பட உள்ளனர்.தமிழகம் முழுவதும், 3 லட்சத்து 2 ஆயிரத்து 90 பேர் ஓட்டுச்சாவடி நிலை அலுவலர்களாக நியமிக்கப்பட உள்ளனர். ஓட்டுச்சாவடி அலுவலர்கள் விடுப்பில் செல்ல நேரிட்டால், அதை சமாளிக்க கூடுதலாக, 20 சதவீதம் ஓட்டுச்சாவடி அலுவலர்களும் தேர்வு செய்யப்பட்டுள்ளனர்.

இவர்களை கம்ப்யூட்டர் மூலம் "ரேண்டம்' முறையில் தேர்வு செய்யும் பணி அந்தந்த கலெக்டர் அலுவலகத்தில் நேற்று முன்தினம் நடந்தது. இவர்களுக்கு பணி நியமன ஆணையை தேர்தல் கமிஷன் வழங்கி உள்ளது.ஒவ்வொரு பணி நியமன ஆணையிலும், ஓட்டுச்சாவடி விவரம், பணியாளரின் முகவரி, ஃபோன் எண்ணுடன் முழுவிவரம் இடம் பெற்றுள்ளது. பணி ஆணையுடன், நிலை அலுவலர்களுக்கான தபால் ஓட்டுப் படிவம் 12-ஏ இடம் பெற்றுள்ளது.இந்த பணி ஆணை, தபால் ஓட்டு படிவம் இரண்டையும் "பின்' செய்து, ஓட்டுச்சாவடி நிலை அலுவலர்களுக்கு வழங்கும் பணியில் அந்தந்த தாலுகா தாசில்தார்கள் ஈடுபட்டுள்ளனர்.திருச்சி மாவட்டத்தில், 2,319 ஓட்டுச்சாவடிகள் உள்ளன. இதுவரை, 11 ஆயிரத்து 410 அரசு ஊழியர், ஆசிரியர்கள் ஓட்டுச்சாவடி நிலை அலுவலர்களாக நியமிக்கப்பட்டுள்ளனர். இதுதவிர, 20 சதவீதம் பேர் கூடுதலாகவும் நியமிக்கப்பட்டுள்ளனர்.

Departmental exam-SYLLABUS

Departmental exam-papers

வீட்டுக் கடன்: ஒளிந்திருக்கும் சூட்சுமம்!!(தி இந்து தமிழ் நாளிதழ்)


சொந்த வீடு கனவில் இருக்கும் பலருக்கும் கை கொடுப்பது வங்கிக் கடன்தான். வங்கிக் கடன் வாங்குவதில் கவனிக்கத்தக்க பல
விஷயங்கள் இருக்கின்றன. நம் நாட்டில் வங்கிகள் தோன்றி 110 ஆண்டுகளுக்கு மேல் ஆகிவிட்டன. ஆனால். கடந்த 20 ஆண்டுகளாகத்தான் வீட்டுக் கடன் கொடுப்பதில் வங்கிகள் தாராளப் போக்கைக் கடைபிடித்து வருகின்றன. 

வங்கிக் கடன் திட்டங்கள் பலவற்றில் இல்லாத சில அம்சங்கள், வீட்டுக் கடன் திட்டத்தில் இருக்கின்றன. அவற்றில் முக்கியமான ஒன்று, கடனைத் திருப்பிச் செலுத்துவதற்குத் தரப்படும் கால அவகாசம்.

எவ்வளவு காலம்?

சாதாரணமாக வீட்டுக் கடனை 5 ஆண்டுகளில் இருந்து 25 ஆண்டுகளிலும், சில நேரங்களில் 30 ஆண்டுகளிலும் திருப்பிச் செலுத்தக்கூடிய வசதி இருக்கிறது. சொல்லப்போனால் வீட்டுக் கடனுக்கு மட்டும் இப்படி ஒரு சலுகை தருகிறார்களே, அது எப்படி? என்று பல வாசகர்கள் கேட்கிறார்கள். இதற்கு முக்கியக் காரணம் வங்கிக்குக் கிடைக்கக்கூடிய பாதுகாப்பான செக்யூரிட்டிதான்.

வாகனக் கடன் அல்லது தொழிற்சாலைகளுக்குத் தேவையான தளவாடங்கள் வாங்குவதற்குக் கடன் வாங்கினால், 5 முதல் 10 ஆண்டுகளுக்குள் கடனைத் திருப்பிச் செலுத்திவிட வேண்டும். ஏனென்றால், மோட்டார் வாகனமோ, மற்ற வாகனங்களோ, தொழிற்சாலை தளவாடங்களோ சில ஆண்டுகளில் பயன்பாட்டுக்குப் பிறகு அவற்றை விற்கப்போனால் வாங்கிய விலையைவிடக் குறைந்த விலைக்குத்தான் போகும். அதே நேரத்தில் வீடு அல்லது மனையைப் பொறுத்தவரை பல ஆண்டுகள் கழித்து விற்றாலும், அவற்றின் மதிப்பு அதிகரித்துக்கொண்டுதான் போகுமே தவிரக் குறையாது. உலக அளவிலும் இதே நிலைமைதான்.

மிக அரிதாகச் சில கால கட்டங்களில் அமெரிக்காவிலும் ஜப்பானிலும் வீடுகளின் விலை வீழ்ச்சியடைந்துள்ளது. ஆனால் அது விதிவிலக்கு. உலகில் உள்ள நிலப்பரப்பு அதிகரிப்பதில்லை. ஆனால், மக்கள் தொகை அதிகரிக்கிறது. வீடுகளின் தேவையும் அதிகரித்துக்கொண்டே இருக்கிறது.

வங்கிகளின் எதிர்பார்ப்பு

கடனைத் திருப்பிக் கட்டுவதற்குப் போதிய அவகாசம் கொடுத்தாலும், சில நிபந்தனைகள் உண்டு. கடன் பெறும் நபர், பணியிலிருந்து ஓய்வு பெறுவதற்குள் இ.எம்.ஐ. முடிந்துவிடுமா என்பதை வங்கிகள் முக்கியமாகப் பார்க்கின்றன. ஒருவேளை பணியில் இருந்து ஓய்வு பெற்ற பிறகும், இ.எம்.ஐ. செலுத்துவதற்கான வருமானம் இருக்குமேயானால், அதிகபட்சம் 70 வயது வரைகூடக் கடனை அடைக்க அவகாசம் தரப்படுகிறது.

ஆனால் கடன் பெறும் நபர், 60 வயதைக் கடந்த பிறகு கடனை அடைப்பதற்கு அவகாசம் கோரினால், அவரது வாரிசுகள் இந்தக் கடனுக்கு எழுத்துபூர்வமாக உத்திரவாதம் கொடுக்க வேண்டும். அல்லது கோ-ஃபாலோயர் எனப்படும் கடன்தாரருக்கு இணையாகப் பொறுப்பை ஏற்கும் நபர், அதற்கான உத்திரவாதத்தை வங்கிக்கு எழுதிக்கொடுக்க வேண்டும்.

வீட்டுச் செலவுக்கு முக்கியத்துவம்

கடனைத் திருப்பிச் செலுத்துவதற்குத் தேவையான அளவு நமது வருமானம் இருக்கிறதா என்பதையும் வங்கிகள் பரிசீலிக்கின்றன. நமது மாதச் சம்பளத்தில் அல்லது மாத வருமானத்தில் இருந்து உத்தேச வீட்டுக் கடனுக்கான இ.எம்.ஐ., பி.எஃப். உள்ளிட்ட அனைத்து வகை பிடித்தங்களும் போக, நாம் நமது சம்பளத்தில் குறைந்தபட்சம் 35 சதவீதமாவது குடும்பச் செலவுகளுக்காக எடுத்துச் செல்கிறோமா என்பதை உறுதி செய்த பிறகே வீட்டுக் கடன் கொடுக்கப்படுகிறது. காரணம், இ.எம்.ஐ. கட்டுவதால் நமது அன்றாட குடும்பச் செலவுக்குப் பணத் தட்டுப்பாடு ஏற்பட்டுவிடக்கூடாது, குடும்பச் செலவுக்குக் கடன் வாங்கும் நிலை ஏற்படக்கூடாது என்பதுதான்.

தேவையான ஆவணங்கள்

வீட்டுக் கடன் பெறுவதற்குத் தேவையான ஆவணங்கள் எவை என்பதை வங்கிகள் தெளிவுபடுத்தியுள்ளன. அவை என்னென்ன என்று பார்ப்போம்.

* பூர்த்தி செய்யப்பட்ட கடன் விண்ணப்பப்படிவம்

* விண்ணப்பதாரரின் புகைப்படம்

* புகைப்படத்துடன் கூடிய அடையாளச் சான்று

* முகவரிச் சான்று

* வருமானச் சான்று

* மனைப் பத்திரம் (சார்பதிவாளர் அலுவலகத்தில் பதிவு செய்த பத்திரம்)

* தாய்ப் பத்திரம் (இப்போதைய பத்திரத்துக்கு முந்தைய மனைப் பத்திரம்)

* 13 ஆண்டுகளுக்குக் குறையாத வில்லங்கச் சான்றிதழ் (ஈ.சி)

* விற்பனைப் பத்திரத்தின் நகல்

* சட்ட வல்லுநரின் கருத்து (லீகல் ஒபீனியன்)

* உரிய அதிகாரியிடன் (சி.எம்.டி.ஏ அல்லது டிடிசிபி அதிகாரிகளிடம்) பெறப்பட்ட மனைக்கு உண்டான வரைபடம் அங்கீகார நகல்.

* கட்டுமானச் செலவு அல்லது வீட்டின் மதிப்பீடு பற்றிய பொறியாளர் அறிக்கை (வேல்யூவேஷன் ரிப்போர்ட்)

இவற்றை வங்கிகளில் ஒரே நேரத்தில் தாக்கல் செய்து விட்டால், வங்கியில் கடன் வாங்க ஆகும் காலத் தாமதத்தை நிச்சயமாகத் தவிர்க்கலாம். கடனை விரைவாக வாங்கி வீட்டைக் கட்டி முடிக்கலாம்.

தொடக்க, நடுநிலை பள்ளிகளுக்கான ஏப்ரல் 2014 மாத நாட்காட்டி!!

05.04.2014~பள்ளி வேலை நாள் & குறைத்தீர் முகாம்
12.04.2014~பள்ளி வேலை நாள்
14.04.2014~தமிழ் வருடப் பிறப்பு விடுமுறை
17.04.2014~வரையறுக்கப்பட்ட விடுப்பு / பெரிய வியாழன்
18.04.2014~புனித வெள்ளி விடுமுறை
19.04.2014~சனி விடுமுறை

21.04.2014~மூன்றாம் பருவத் தேர்வு தமிழ்
22.04.2014~மூன்றாம் பருவத் தேர்வு ஆங்கிலம்
23.04.2014~தேர்தலுக்கான விடுமுறை நாள்
24.04.2014~தேர்தலுக்கான விடுமுறை நாள்
25.04.2014~தேர்தலுக்கான விடுமுறை நாள்
26.04.2014~பள்ளி வேலை நாள் / மூன்றாம் பருவத் தேர்வு கணிதம்
28.04.2014~மூன்றாம் பருவத் தேர்வு அறிவியல
29.04.2014~மூன்றாம் பருவத் தேர்வு சமூக அறிவியல்
30.04.2014~பள்ளி இறுதி வேலை நாள்
மே 1 முதல் ஜூன் 1 வரை கோடை விடுமுறை (32நாட்கள்)

தேர்தல் பணியில் 35,000 கல்லூரி மாணவ-மாணவிகள்: தேர்தல் ஆணையம்

     தமிழகத்தில் பிரச்னைக்குரிய வாக்குச்சாவடிகள் 9 ஆயிரத்து 222 இருப்பதாக இதுவரை கணக்கிடப்பட்டுள்ளது. பொதுப் பார்வையாளர்கள் ஒவ்வொரு தொகுதிக்கும் சென்ற பிறகு பதற்றத்துக்குரிய மற்றும் பிரச்னைக்குரிய வாக்குச் சாவடிகளின் முழு விவரங்கள் தெரிய வரும்.
       வாக்குப் பதிவின் போது, 20,000 வாக்குச் சாவடிகளை வெப்-காமிரா மூலமும், 10,000 வாக்குச் சாவடிகளை காமிராக்கள் மூலமும் படம் பிடிக்க ஏற்பாடுகள் செய்யப்பட்டுள்ளன.
               இதற்காக, 35,000 கல்லூரி மாணவ-மாணவிகள் பணியில் ஈடுபடுத்தப்படுவர். வெப்-காமிரா மூலம் படம் பிடிப்பது, அவற்றை பதிவிறக்கம் செய்வது உள்ளிட்ட பல்வேறு தொழில்நுட்பம் தொடர்பான பணிகளை அவர்கள் மேற்கொள்வார்கள்.

தேர்தல் அலுவலர்களுக்கு பணி ஆணை மாதிரி வாக்குசாவடியில் சிறப்பு பயிற்சி

தமிழகத்தில் ஓட்டுப்பதிவுக்கான ஏற்பாடுகளை தேர்தல் ஆணையம் முழுவீச்சில் செய்து வருகிறது. சென்னையில் உள்ள பாராளுமன்ற தொகுதிகளிலும் சுமார் 16 ஆயிரத்துக்கும் மேற்பட்ட ஊழியர்கள் தேர்தல் பணியில் ஈடுபடுகிறார்கள். இவர்கள் அனைவருக்கும் பணி ஆணை வழங்கப்பட்டுவிட்டது. இந்த தேர்தலில் முதல் முறையாக ஒவ்வொரு அலுவலருக்கும் பணி ஆணையில் ஒரு ‘யூனிக்’ எண் வழங்கப்பட்டுள்ளது.இந்த எண்ணை கம்ப்யூட்டரில் பதிவு செய்து பார்த்தால் சம்பந்தப்பட்ட அலுவலரின் பெயர், பணிபுரியும் இடம், செல்போன் எண், குடும்ப விவரம் உள்ளிட்ட முழு தகவல்களும் தெரியவரும். இந்த தேர்தல் அலுவலர்களுக்கான சிறப்பு பயிற்சி முகாம் சட்டமன்ற தொகுதி வாரியாக சென்னையில் இன்று 16இடங்களில் நடந்தது. அண்ணாநகர் தொகுதிக்கான பயிற்சி முகாம் அரும்பாக்கத்தில் உள்ள வைஷ்ணவா கல்லூரியில் நடந்தது. இங்கு 1000 அலுவலர்கள் பங்கேற்றனர். ஒவ்வொரு வகுப்பறையிலும் 45 பேர் வீதம் அமர வைக்கப்பட்டு தேர்தல் பணிகள் தொடர்பாக சி.டி. மூலம் விளக்கம் அளிக்கப்பட்டது. தேர்தல் அதிகாரி விக்ரம் கபூர், கலெக்டர் சுந்தர வள்ளி, அருள்சந்தர் தயாள், இளங்கோவன், ஜெகந்நாதன் உள்பட அதிகாரிகள் பயிற்சி முகாமை பார்வையிட்டனர். பயிற்சி நடைபெற்ற இடத்தில் மாதிரி வாக்குசாவடி அமைக்கப்பட்டிருந்தது. பயிற்சி வகுப்புகளில் கலந்து கொண்ட அலுவலர்கள் இந்த மாதிரி வாக்குசாவடிகளில் பணிபுரிவது பற்றி நேரடியாக செய்முறை விளக்கம் அளிக்கப்பட்டது. பணி ஆணையில் புகைப்பட குளறுபடி ஏற்பட்டால் இதை உடனடியாக நிவர்த்தி செய்ய புகைப்பட மையம் ஏற்பாடு செய்யப்பட்டிருந்தது. அதேபோல் அலுவலர்கள் ஒவ்வொருவரிடமும் வாக்காளர் அடையாள அட்டையை பெற்றுக் கொண்டு தனியாக விண்ணப்பங்களையும் பூர்த்தி செய்து பெற்றுக் கொண்ட னர்.

ஆசிரியர்களுக்கான பங்களிப்பு ஒய்வூதியத் திட்டத்தை ரத்து செய்ய வலியுறுத்தல்

Sunday, March 30, 2014

பிளஸ் 1 வகுப்புக்கு ஜூன் 16ல் பள்ளி திறப்பு!!



wwwசென்னை: எஸ்.எஸ்.எல்.சி., தேர்வு துவங்கிய நிலையில், தேர்வு முடிவு முன்கூட்டியே வெளியிடப்பட்டு, ஜூன், 16ம் தேதி பிளஸ் 1 வகுப்புக்கும், மற்ற வகுப்புகளுக்கு ஜூன் 2ம் தேதியும், பள்ளிகள் திறந்து வகுப்பு எடுக்க, பள்ளிக் கல்வித்துறை உத்தரவிட்டுள்ளது.
தமிழகத்தில், எஸ்.எஸ்.எல்.சி., பொதுத்தேர்வு, துவங்கி நடந்து வருகிறது. வரும் ஏப்ரல், 9ம் தேதி வரை நடக்கிறது. பிளஸ் 2 தேர்வை போலவே, எவ்வித முறைகேடுக்கும் இடம் தராமல் நடத்த, தேர்வுத்துறை தேவையான நடவடிக்கைகளை எடுத்து வருகிறது. அதேபோல், விடைத்தாள் திருத்தும் பணிகளையும் துரிதப்படுத்தி, தேர்வு முடிவுகளை விரைவாக வெளியிட ஏற்பாடு நடக்கிறது.
கடந்த 2012-13ம் கல்வி ஆண்டில், எஸ்.எஸ்.எல்.சி., தேர்வு முடிவு கடந்த மே, 31ம் தேதி வெளியிடப்பட்டு ஜூன் 24ம் தேதி முதல், அரசு மேல்நிலைப் பள்ளிகளில் பிளஸ் 1 வகுப்பு எடுக்கப்பட்டது. ஆனால் நடப்பு கல்வி ஆண்டில், பிளஸ் 1 வகுப்பு முன்கூட்டியே நடத்த முடிவு செய்யப்பட்டுள்ளது.
கடந்த ஜூன் மாதம் வழக்கமாக பிளஸ் 1 தவிர மற்ற வகுப்பு பள்ளிகள் திறக்க வேண்டி இருந்தும், கோடை வெப்பம் காரணமாக துவக்க, உயர்நிலை, பிளஸ் 2 வகுப்புக்கு, கடந்த ஜூன் 10ம் தேதி திறக்க தமிழக அரசு உத்தரவிட்டது. இந்த ஆண்டு எஸ்.எஸ்.எல்.சி., தேர்வு பணிகளை விரைவாக முடித்து முன்கூட்டியே தேர்வு முடிவு அறிவிக்கப்பட்டு பிளஸ் 1 வகுப்பும், முன்கூட்டியே நடத்த முடிவு செய்யப்பட்டுள்ளது.
கல்வி அதிகாரிகள் கூறியதாவது: எஸ்.எஸ்.எல்.சி., தேர்வு முடிவு, லோக்சபா தேர்தல் முடிவு வெளியிட்ட பின் அறிவிக்கப்படும். கடந்த ஜூன், 24ம் தேதி பிளஸ் 1 வகுப்புக்கு மாணவர்கள் சேர்க்கை நடத்தி வகுப்பு துவங்கப்பட்டது. நடப்பு கல்வி ஆண்டுக்கு வரும் ஜூன், 16ம் தேதி, பிளஸ் 1 மாணவர் சேர்க்கை நடத்தி, வகுப்பு துவங்க உத்தரவிடப்பட்டுள்ளது.
அதேபோல், துவக்கப்பள்ளி, நடுநிலைப்பள்ளி, உயர்நிலைப்பள்ளி, மேல்நிலைப்பள்ளியில், பிளஸ் 2 ஆகிய வகுப்புகளுக்கு, ஜூன், 2ம் தேதி பள்ளிகள் திறக்க உத்தரவிடப்பட்டுள்ளது. எஸ்.எஸ்.எல்.சி., வகுப்புக்கு மட்டும் நடப்பு கல்வி ஆண்டில், எட்டு நாள் முன்னதாக பள்ளிகள் திறக்கப்பட்டு வகுப்பு நடத்தப்படும். இவ்வாறு அவர்கள் கூறினர்.

தமிழ்நாடு வரலாறு ஆசிரியர்கள் சங்கம் சார்பாக தொடரப்பட்ட வழக்கில், 1:1 என்ற பதவி உயர்வு விகிதச்சாரம் அடிப்படையில் கடைபிடிக்க உயர்நீதிமன்றம் உத்தரவு

மாநில அரசு ஓய்வூதியம் பெறுவோர் நேரில் வரத் தேவையில்லை.


மாநில அரசுத் துறைகளில் பணியாற்றி ஓய்வூதியம் பெறுபவர்கள் வரும் நிதியாண்டில் (2014-15) சமர்ப்பிக்க வேண்டிய ஆவணங்களை நேரிலோ, 
தபாலிலோ அல்லது பிறநபர் மூலமாகவோ அளிக்கலாம் என்று ஓய்வூதியம் வழங்கும் அலுவலகம் தெரிவித்துள்ளது.மத்திய அரசு, தமிழ்நாடு மின்சார வாரியம், ரயில்வே, தபால், தொழிலாளர் சேமநல நிதி, உள்ளாட்சித் துறை மூலம் ஓய்வூதியம்-குடும்ப ஓய்வூதியம் பெறுவோருக்கு இந்த அறிவிப்பு பொருந்தாது.

இது குறித்து, ஓய்வூதியம் வழங்கும் அலுவலகத்தின் அலுவலர் கே.டி.குணசேகரன் வெளியிட்ட அறிவிப்பு:ஓய்வூதியதாரர்கள் மற்றும் குடும்ப ஓய்வூதியம் பெறுபவர்கள், சென்னை நுங்கம்பாக்கம் கல்லூரிச் சாலையில் செயல்பட்டு வரும் ஓய்வூதியம் வழங்கும் அலுவலகத்தில் உரிய சான்றுகளை சமர்ப்பிக்க வேண்டும்.ஓய்வூதிய பணத்துக்கான உத்தரவு (டங்ய்ள்ண்ர்ய் டஹஹ்ம்ங்ய்ற் ஞழ்க்ங்ழ்-அசல் மற்றும் நகல்), வங்கி கணக்குப் புத்தகம், வருமானவரி கணக்கு எண் (பான் கார்டு-நகல்) ஆகியவற்றை ஓய்வூதிய அலுவலகத்துக்கு வரும் போது எடுத்து வர வேண்டும்.

மேலும், ஓய்வூதியத்தை கூட்டு கணக்கு (ஒர்ண்ய்ற் அஸ்ரீஸ்ரீர்ன்ய்ற்) மூலம் பெறுபவர்கள், தங்களது துணையுடன் எடுக்கப்பட்ட புகைப்படம் அல்லது குடும்ப ஓய்வூதியம் பெறுபவராக இருந்தால் அவரது பாஸ்போர்ட் அளவு புகைப்படம் ஆகியவற்றை எடுத்து வர வேண்டும்.நேரில் வரத் தேவையில்லை: ஆவணங்களைச் சமர்ப்பிக்க நேரில் வர இயலாதவர்கள், வங்கிக் கிளை மேலாளர், மாநில- மத்திய அரசிதழ் பதிவு பெற்ற அதிகாரி, வட்டாட்சியர், துணை வட்டாட்சியர், வருவாய் ஆய்வாளர் ஆகியோரில் ஒருவரிடம் சான்றுபெற்று ஓய்வூதியம் வழங்கும் அலுவலரின் முகவரிக்கு அனுப்பி வைக்கலாம். பிறநபர் மூலமாகவும் சேர்க்கலாம்.அவ்வாறு அனுப்பும் போது, ஓய்வூதியர், குடும்ப ஓய்வூதியர் வாழ்வுச் சான்றுடன் வங்கிக் கணக்கு எண், ஓய்வூதிய பணத்துக்கான உத்தரவு, பான்கார்டு (நகல்கள் மட்டும்) ஆகியனவும் முக்கியமாகும்.வெளிநாட்டில் இருக்கும் ஓய்வூதியர், குடும்ப ஓய்வூதியம் பெறுவோர் வாழ்வுச் சான்றினை அந்த நாட்டில் உள்ள நீதிபதி, நோட்டரி, வங்கிக் கிளை மேலாளர், இந்திய நாட்டுப் பிரதிநிதி ஆகியவற்றில் ஒருவருடைய கையெழுத்தினைப் பெற்று குறிப்பிட்ட ஆவணங்களின் நகல்களை அனுப்ப வேண்டும்.

ஆகஸ்ட்டில் நிறுத்தப்படும்:

ஓய்வூதியதாரர்கள் மற்றும் குடும்ப ஓய்வூதியதாரர்கள்அளிக்க வேண்டிய வாழ்வுச் சான்று மற்றும் மறுமணம் புரியாத சான்று ஆகியவற்றின் படிவங்கள் ற்ய்.ஞ்ர்ஸ்.ண்ய்ந்ஹழ்ன்ஸ்ர்ர்ப்ஹம் என்ற இணையதளத்தில் உள்ளன.

ஓய்வூதியதாரர்கள் ஏப்ரல் முதல் ஜூன் வரை நேரிலோ அல்லது தபால் உள்பட உரிய முறையிலோ சான்றுகளை அனுப்பத் தவறினால் ஓய்வூதியம் ஆகஸ்ட் மாதத்தில் இருந்து நிறுத்தப்படும்.ஓய்வூதியம் வழங்கும் அலுவலகத்தின் முழு முகவரி: ஓய்வூதியம் வழங்கும் அலுவலகம், கல்லூரி சாலை, நுங்கம்பாக்கம், சென்னை-6

பட்டப் படிப்பு, முதுகலை படிப்பு முடித்த பின், பிளஸ் 2 முடித்த பெண்ணுக்கு, ஆசிரியை பணி வழங்க சென்னை உயர் நீதிமன்றம் உத்தரவு.-

பட்டப் படிப்பு, முதுகலை படிப்பு முடித்த பின், பிளஸ் 2 முடித்த பெண்ணுக்கு, ஆசிரியை பணி வழங்க சென்னை உயர் நீதிமன்றம் உத்தரவு.-

இடைநிலை ஆசிரியர்களுக்கு பதவி உயர்வு வழங்கிய பிறகே புதிய நியமனம் ஆசிரியர்கள் கூட்டணி வலியுறுத்தல்


இடைநிலை ஆசிரியர்களுக்கு பட்டதாரி ஆசிரியர்களாகப் பதவி உயர்வு வழங்கி நிரப்பிய பிறகே புதிய பணியிடங்களுக்கு ஆசிரியர்களை நியமனம் செய்திட வேண்டும் என்று தமிழ்நாடு ஆசிரியர்கள் கூட்டணி வலியுறுத்தியது.

அகில இந்திய தொடக்கப் பள்ளி ஆசிரியர்கள் கூட்டணி பொதுச்செயலர் சு.ஈசுவரன் புதிய கிளைகளைத் தொடக்கிவைத்து சிறப்புரையாற்றினார்.
தமிழ்ப் பட்டதாரி ஆசிரியர்களுக்கு பதவியுயர்வு வழங்கிட வேண்டும், நடுநிலைப் பள்ளிகளில் பணியாற்றும் பட்டதாரி ஆசிரியர்களுக்கு உயர்நிலை, மேல்நிலைப் பள்ளிகளில் முதுநிலைப் பட்டதாரி ஆசிரியராகப் பதவியுயர்வு வழங்கிட வேண்டும், இடைநிலை ஆசிரியர்களுக்கு பட்டதாரி ஆசிரியர்களாக பதவியுயர்வு வழங்கி நிரப்பிய பிறகே புதிய காலிப் பணியிடங்களுக்கு ஆசிரியர்கள் நியமனம் செய்திட வேண்டும் என்பன உள்ளிட்ட கோரிக்கைகளை வலியுறுத்தி தீர்மானங்கள் நிறைவேற்றப்பட்டன.

தமிழகத்தில் வரும் ஏப்ரல் 24ஆம் தேதி பொது விடுமுறை

மக்களவைத் தேர்தலை நடைபெறுவதையொட்டி தமிழகத்தில் வரும் ஏப்ரல் 24ஆம் தேதி பொது விடுமுறை அறிவிக்கப்பட்டுள்ளது. தமிழக ஆளுநர் விடுமுறை அறிவித்துள்ளார்  என தலைமைச் செயலாளர் ஷீலா பாலகிருஷ்ணன் தெரிவித்துள்ளார்.


Saturday, March 29, 2014

மத்திய பல்கலைகளில் சேர்வதற்கான நுழைவுத்தேர்வு:::


டில்லி: தில்லி  பல்கலைகளின் பொது நுழைவுத்தேர்வை(CUCET - 2014) எழுதுவதற்கான விண்ணப்பங்கள் தற்போது மாணவர்களுக்கு கிடைக்கின்றன. அத்தேர்வு ஏப்ரல் மாதம் நடைபெறுகிறது.
தேசிய அளவில் நடத்தப்படும் இத்தேர்வில் மொத்தம் 7 மத்தியப் பல்கலைகள் கலந்து கொள்கின்றன. ஜம்மு, தமிழ்நாடு, கேரளா, ஜார்க்கண்ட், ஹரியானா, காஷ்மீர் மற்றும் ராஜஸ்தான் ஆகிய மாநிலங்களைச் சேர்ந்த மத்தியப் பல்கலைகள் இதில் பங்கேற்கின்றன.
இத்தேர்வை எழுதி தேர்ச்சி பெறுவதன் மூலம், மேற்கண்ட பல்கலைகளில், இளநிலை, முதுநிலை மற்றும் ஒருங்கிணைந்த படிப்புகளுக்கு விண்ணப்பிக்கலாம்.
விண்ணப்பத்தின்போது, மாணவர்கள் அதிகபட்சம் 3 படிப்புகள் வரை தேர்வு செய்யலாம். அதேசமயம், எந்தவொரு படிப்பிற்கும் விண்ணப்பிக்கும் கடைசித்தேதி ஏப்ரல் 2.

ரேசன் கடைகளில் முறைகேடா? பறக்கும் படைக்கு "டயல்" பண்ணுங்க

ரேசன் கடைகளில் முறைகேடா? பறக்கும் படைக்கு "டயல்" பண்ணுங்க


நீங்கள் வாக்குசாவடி தலைமை அலுவலரா? இந்த வீடியோவை பாருங்க! பயன் உள்ளதாக இருக்கும்!!

வேலூர் மாவட்டத்தில் ஆசிரியர்களுக்கு தேர்தல் பயிற்சி

அனைத்து தாலுகா அலுவலகங்களிலும் ஆசிரியர்களுக்கு தேர்தல் பயிற்சி 3ஆம் தேதி நடக்கிறது...தினகரன் நாளிதழ் 

சென்னை பல்கலை., தொலைதூர கல்வி தேர்வுகள் அறிவிப்பு!!!

சென்னை பல்கலை தொலைதூர கல்வி, இளங்கலை பட்டப்படிப்பு தேர்வுகளுக்கு, ஏப்ரல் 7ம் தேதிக்குள் விண்ணப்பிக்க 
வேண்டும் எனத் தெரிவிக்கப்பட்டுள்ளது.
இதுகுறித்த செய்திக் குறிப்பு: சென்னை பல்கலை தொலைதூர கல்வி வாயிலாக, இளங்கலை பட்டப்படிப்பில் சேர்ந்தவர்கள், இந்த ஆண்டிற்கான தேர்வுகளுக்கு, அபராத கட்டணமின்றி அடுத்த மாதம் 7ம் தேதிக்குள் விண்ணப்பிக்க வேண்டும். அபராதத்துடன், அடுத்த மாதம் 15க்குள் விண்ணப்பிக்கலாம்.
விண்ணப்ப படிவங்களை, பல்கலையின்,www.ideunom.ac.in என்ற இணையதள முகவரியில் பதிவிறக்கம் செய்யலாம். விண்ணப்பதாரர்களுக்கு, தேர்வு விண்ணப்பங்கள் தனியாக அனுப்பப்பட மாட்டாது. இவ்வாறு, அதில் கூறப்பட்டுள்ளது.

ஓட்டுச்சாவடி அலுவலர்களுக்கு வரும் 31ம் தேதி தேர்தல் பயிற்சி..

"நாமக்கல் மாவட்டத்தில், வரும், 31ம் தேதி, 1,475 ஓட்டுச்சாவடிகளில் பணியாற்றும் அலுவலர்களுக்கு, சம்பந்தப்பட்ட சட்டசபை தொகுதி தலைமையிடத்தில் பயிற்சி நடக்கிறது' என, தேர்தல் பிரிவு அலுவலர்கள் தெரிவித்தனர்.

லோக்சபா தேர்தலுக்கான வேட்புமனு தாக்கல், இன்று (29ம் தேதி) துவங்க உள்ள நிலையில், ஏப்ரல், 24ம் தேதி தேர்தல் நடக்கிறது. வேட்பாளர்களின் தேர்தல் பிரச்சாரம் சூடுபிடித்ததுபோல், தேர்தல் பிரிவில் பணியாற்றும் அலுவலர்களும், தேர்தல் நடத்துவதற்கான பணிகளை தீவிரப்படுத்தியுள்ளனர்.
இந்நிலையில், நாமக்கல் மாவட்டத்தில் உள்ள, 1,475 ஓட்டுச்சாவடிகளில், 6,34,267 ஆண், 6,47,346 பெண், 44, திருநங்கை, என, 12,81,657 வாக்காளர்கள் ஓட்டளிக்க உள்ளனர். ஓட்டுச்சாவடிகளில் மாற்றுத்திறனாளிகள் செல்வதற்கு வசதியாக, பாதை வசதி, ஜன்னல், மின்வசதி உள்ளிட்ட பாதுகாப்பு வசதிகள் செய்யப்பட்டுள்ளது.
தேர்தல் பிரிவு போலீஸ் தரப்பில், பதட்டமான ஓட்டுச்சாவடிகள் கணக்கெடுக்கப்பட்டு முன்னெச்சரிக்கை நடவடிக்கை எடுக்கப்பட்டு வருகிறது. தேர்தல் பணியில் ஈடுபடுத்த உள்ள அரசு அலுவலர், ஆசிரியர், போலீஸார், மாஜி சீருடை பணியாளர், தேசிய மாணவர் படை உள்ளிட்ட பிரிவைச் சேர்ந்தவர் பட்டியல் தயாரிக்கப்படுகிறது.
அதற்கிடையே, ஓட்டுச்சாவடியில் பணியாற்றக் கூடிய அலுவலர்கள் அடையாளங் காணப்பட்டு, அவர்களுக்கான தேர்தல் பயிற்சி துவங்கப்படவுள்ளது. வரும், 31 தேதி, ஒவ்வொரு சட்டசபை தொகுதிக்கு உட்பட்ட தலைமையிடத்தில், தேர்தலில் பணியாற்றும் முதன்மை அலுவலர், தேர்தல் நடத்தும் அலுவலர், நிலை 1, 2, 3, ஆயிரம் வாக்காளர் எண்ணிக்கைக்கு மேல் உள்ள ஓட்டுச்சாவடியில், கூடுதலாக ஒரு தேர்தல் அலுவலர் நியமிக்கப்பட்டுள்ளனர்.
வழக்கத்திற்கு மாறாக, தேர்தல் நேரம், காலை ஒரு மணி நேரம் கூடுதலாகவும், மாலை ஒரு மணி நேரம் கூடுதலாக்கப்பட்டதால், தேர்தல் பணியாற்றும் போது கடைபிடிக்க வேண்டிய நெறிமுறைகள் குறித்த பயிற்சி வழங்கப்படும்.
"தேர்தலில் பங்கேற்கும் அனைத்து பிரிவு அலுவலருக்கும், அந்தந்த சட்டசபை தொகுதி தலைமையிடத்தில் பயிற்சி வழங்கப்படும். அவர்கள், தேர்தலுக்கு முந்தைய நாள், அவர்களுக்கு ஒதுக்கப்பட்ட ஓட்டுச்சாவடிக்கு சென்று பணியாற்றுவர்' என, தேர்தல் பிரிவு அலுவலர்கள் தெரிவித்தனர்.

வருமான வரிவிலக்கு சலுகையை தவறாக பயன்படுத்துவோர் மீது நடவடிக்கை: வருமான வரித் துறைக்கு உயர் நீதிமன்றம் உத்தரவு!!


வருமான வரி விலக்கு பெறுவதற்காக வழங்கப்பட்டுள்ள சலுகையை யாரேனும் தவறாகப் பயன்படுத்துவது தெரிய வந்தால்,
அவர்கள் மீது நடவடிக்கை எடுக்க வேண்டும் என்று வருமான வரித் துறைக்கு சென்னை உயர் நீதிமன்றம் உத்தரவிட்டுள்ளது. 
இது தொடர்பாக வழக்கறிஞர் எஸ்.சரவணன் பொது நல மனு தாக்கல் செய்திருந்தார். கேரள மாநிலத்தில் செயல்படும் வேத ரக்ஷ்ன சமிதி உள்ளிட்ட சில அமைப்புகள் வருமான வரிச் சட்டத்தின் 80-ஜி பிரிவின் கீழ் வருமான வரி செலுத்துவதற்கு விலக்கு பெற்றுள்ளன. ஆனால் அந்த அமைப்புகள் வசூலிக்கும் நன்கொடைகள் அறக்கட்டளை பயன்பாட்டுக்கு பயன்படுத்தப்படுவதில்லை. மாறாக, மத ரீதியான செயல்பாடுகள் உள்ளிட்ட பிற பயன்பாடுகளுக்கு செலவிடப்படுகின்றன.
ஆகவே, அறக்கட்டளை பயன்பாட்டுக்காக நன்கொடை பணத்தைப் பயன்படுத்தாத அந்த அமைப்புகளுக்கு வழங்கப்பட்டுள்ள வருமான வரி விலக்கு சலுகையை ரத்து செய்ய வேண்டும் என்று அந்த மனுவில் சரவணன் கோரியிருந்தார்.
இந்த மனு மீது தற்காலிக தலைமை நீதிபதி சதீஷ் கே.அக்னிஹோத்ரி, நீதிபதி கே.கே.சசிதரன் ஆகியோர் விசாரணை மேற்கொண்டனர்.
அனைத்து தரப்பு வாதங்களையும் கேட்ட நீதிபதிகள், “80-ஜி பிரிவின் கீழ் வருமான வரி செலுத்த விலக்கு பெற்றுள்ள அமைப்புகள் தாக்கல் செய்யும் வருமான வரி கணக்கு விவரங்கள் சரியாக உள்ளதா என்பது பற்றி வருமான வரித் துறை அதிகாரிகள் ஆய்வு செய்திட வேண்டும்.
வருமான வரி விலக்கு அளிக்கப்பட்டது தவறாகப் பயன்படுத் தப்பட்டுள்ளதாக தெரிய வந்தால், அத்தகைய அமைப்புகளுக்கு எதிராக வருமான வரிச் சட்டத்தின் கீழ் உரிய நடவடிக்கை எடுக்க வேண்டும்” என்று உத்தரவிட்டுள்ளனர்.

அரசு பணிக்காக 42 ஆண்டுகள் காத்து இருந்த 65 வயது முதியவர் ஓய்வூதியம் வழங்குவது பற்றி பரிசீலிக்க தமிழக அரசுக்கு ஐகோர்ட்டு உத்தரவு!

தி-இந்து (தமிழ்-நாளிதழ்)வேலை வாய்ப்பு மையத்தில் பதிவு செய்து 42ஆண்டுகளுக்கு மேலாக அரசு பணிக்கு காத்திருந்த 65 வயது முதியவருக்கு மாத ஓய்வூதியம் வழங்குவது குறித்து 4மாதங்களுக்குள் தமிழக அரசு பரிசீலிக்க
வேண்டும் என்று சென்னை ஐகோர்ட்டு உத்தரவிட்டுள்ளது.
திருவள்ளூர் மாவட்டம்திருவேற்காட்டை சேர்ந்தவர் ஈ.ராஜேந்திரன் (வயது 65). இவர்,சென்னை ஐகோர்ட்டில்தாக்கல் செய்துள்ள மனுவில் கூறியிருப்பதாவது:-

முதியவர் வழக்கு
நான் 5-ம் வகுப்பு வரை படித்துள்ளேன். கடந்த1971-ம் ஆண்டு அக்டோபர் 11-ந் தேதி,திருவள்ளூர் மாவட்ட வேலை வாய்ப்பு அலுவலகத்தில்அரசு பணிக்காக பதிவு செய்துள்ளேன்.
தற்போதுஎனக்கு 65 வயது ஆகி விட்டது.
கடந்த 42 ஆண்டுகளாகஇதுநாள் வரை ஒரு முறைக்கூட எனக்கு வேலை வாய்ப்புக்காக அழைப்பு கடிதம் வரவில்லை. அரசு வேலை வாய்ப்பினை பெறும் வயதை நான் கடந்து விட்டேன்.
கலெக்டர் அறிக்கை
எனவேஇத்தனை ஆண்டுகள் எனக்கு அரசு பணி வழங்காததால்ரூ.5 லட்சம் இழப்பீடும்,மாதம் ரூ.3 ஆயிரம் ஓய்வூதியமும் எனக்கு வழங்க தமிழக அரசுக்கு உத்தரவிட வேண்டும்.
இவ்வாறு அதில் கூறப்பட்டு இருந்தது.
இந்த மனுவை விசாரித்த நீதிபதி கே.கே.சசிதரன், 1971-ம் ஆண்டு முதல் இதுவரை திருவள்ளூர் மாவட்ட வேலை வாய்ப்பு அலுவலகம் மூலம் எத்தனை பேருக்கு வேலை வாய்ப்பு வழங்கப்பட்டது என்ற விவர அறிக்கையை தாக்கல் செய்யும்படி திருவள்ளூர் மாவட்ட கலெக்டருக்கு உத்தரவிட்டார். இதனடிப்படையில்மாவட்ட கலெக்டரும் அறிக்கை தாக்கல் செய்தார்.
காத்திருப்பு
இதையடுத்து நீதிபதிகள் பிறப்பித்த உத்தரவில் கூறியிருப்பதாவது:-
கலெக்டர் தாக்கல் செய்த அறிக்கையில்,குறுக்கு வழியில் அரசு வேலை பெற்றவர்களின் விவரங்கள் மறைக்கப்பட்டுள்ளது. மேலும்மனுதாரர் தன் வயதை குறிப்பிடாமலேயேதன்னுடைய பதிவை குறிப்பிட்ட ஆண்டுகளில் புதுப்பித்து உள்ளார் என்று மாவட்ட வேலை வாய்ப்பு அலுவலகம் தரப்பில் கூறப்பட்டுள்ளது.
ஆனால்மனுதாரர் 5-ம் வகுப்பு வரை மட்டுமே படித்துள்ளார். அவர்கிராமபுறத்தை சேர்ந்தவர். ஒவ்வொரு முறையும் தன்னுடைய பதிவை புதுப்பிக்கும்போதுதான் அரசு பணியை பெற தகுதியானவர்தான் என்று நினைத்துஇத்தனை ஆண்டுகள் அவர் காத்திருந்துள்ளார்.
இப்போதுதனக்கு வேலை கிடைக்காது என்று தெரிந்தவுடன்இந்த கோர்ட்டின் உதவியை நாடியுள்ளார்.
சில மாநிலங்களில்இதுபோல் வேலை வாய்ப்பு மையங்களில் பதிவு செய்தவர்களுக்குவேலை வழங்க முடியாத நிலை ஏற்பட்டால்அந்த நபர்களுக்கு மாத ஓய்வூதியம் வழங்கும் திட்டத்தை உருவாக்கியுள்ளது.
பரிசீலிக்க வேண்டும்
எனவேபிற மாநிலங்களை போல்வேலை வாய்ப்பு அலுவலகத்தில் பதிவு செய்த ஏழைகளுக்கு உதவும் விதமாக திட்டத்தை உருவாக்கக்கூடிய காலம் தமிழக அரசுக்கு வந்துள்ளது.
மனுதாரர் இழப்பீடு மற்றும் ஓய்வூதியம் கேட்டு,தமிழக அரசிடம் மனு கொடுக்க உரிமை உள்ளது. அவ்வாறு மனுதாரர் கொடுக்கும் மனுவைதமிழக அரசு தீவிரமாக பரிசீலித்து, 4மாதங்களுக்குள் தகுந்த உத்தரவினை பிறப்பிக்க வேண்டும்.

இவ்வாறு நீதிபதி கூறியுள்ளார்.

துறை தேர்வுகள் கடைசி தேதி 15.04.2014 வரை நீடிப்பு செய்யப்பட்டுள்ளது

2014-ஆம் ஆண்டு ‘மே’ மாதம் நடைபெறவிருக்கும் துறைத்தேர்வுகளுக்கு விண்ணப்பதாரர்களிடமிருந்து இணையதளம் மூலமாக மட்டும் விண்ணப்பங்கள் வரவேற்கப்படுகின்றன. தேர்வாணையத்தால் விண்ணப்பப் படிவங்கள் வழங்கப்பட மாட்டாது. 

அறிவிக்கை நாள் : 01.03.2014 
விண்ணப்பிக்க கடைசி தேதி : 15.04.2014 5,45 பி.ப.
தேர்வு தேதிகள் : 24.05.2014 முதல் 31.05.2014 வரை. 

Friday, March 28, 2014

துறை சார் தேர்வில் ஆசிரியர்கள் தேர்ந்தெடுக்க வேண்டிய தாள்கள் விவரம்

துறை சார் தேர்வில் ஆசிரியர்கள் தேர்ந்தெடுக்க வேண்டிய தாள்கள் விவரம்:

இடைநிலை ஆசிரியர்கள்
1. 004 - Deputy Inspectors Test-First Paper(Relating to Secondary and Special Schools) (without books
2. 017 - Deputy Inspector’s Test--Second Paper(Relating to Elementary Schools) (Without Books)
3. 119 - Deputy Inspector’s TestEducational Statistics (With Books).
4 . 176 - Account Test for Subordinate Officers - Part I .(or)114 The Account Test for Executive Officers (With Books).
5 . 208 - The Tamil Nadu Government Office Manual Test(Previously the District Office Manual--Two Parts) (With Books).
பட்டதாரி ஆசிரியர்கள்
1 . 176 - Account Test for Subordinate Officers - Part I .(or)114 The Account Test for Executive Officers (With Books).

2 . 208 - The Tamil Nadu Government Office Manual Test(Previously the District Office Manual--Two Parts) (With Books).
முதுகலை பட்டதாரி ஆசிரியர்கள்
1 . 176 - Account Test for Subordinate Officers - Part I .(or)114 The Account Test for Executive Officers (With Books).
2 . 208 - The Tamil Nadu Government Office Manual Test(Previously the District Office Manual--Two Parts) (With Books).
மாவட்டக்கல்வி அலுவலர்
1 . 176 - Account Test for Subordinate Officers - Part I .(or)114 The Account Test for Executive Officers (With Books).
2 . 208 - The Tamil Nadu Government Office Manual Test
(Previously the District Office Manual--Two Parts) (With Books).

வாக்கச்சாவடி அலுவலர்கள் தேர்வு எப்படி?

* வாக்குச்சாவடி முதன்மை அலுவலர்-தரஊதியம் ரூ4600க்கு மேல்...

* வாக்குச்சாவடி அலுவலர் 1- தரஊதியம் ரூ 2800முதல் ரூ 4800.



* வாக்குச்சாவடி அலுவலர் 2 & 3- தரஊதியம் ரூ 1800 முதல் 2800 வரை

பி.ஏ, எம்.ஏ. படிப்பில் வெவ்வேறு பாடத்தை எடுத்து படித்தவருக்கு பதவி உயர்வில் முன்னுரிமை வழங்கியதை எதிர்த்து வழக்கு பள்ளிக்கல்வித்துறை இணை இயக்குநருக்கு ஐகோர்ட்டு உத்தரவு

பி.ஏ, எம்.ஏ படிப்பில் வெவ்வேறு பாடத்தை எடுத்து படித்தவர்களுக்கு முதுகலை பட்டதாரி ஆசிரியர் பதவி உயர்வில் முன்னுரிமை வழங்கியதை எதிர்த்து தொடர்ந்த வழக்கில் பள்ளிக்கல்வித்துறை
இணை இயக்குனர் பதில் அளிக்க மதுரை ஐகோர்ட்டு உத்தரவிட்டுள்ளது.
பதவி உயர்வு
திண்டுக்கல் மாவட்டம் பட்டிவீரன்பட்டியில் உள்ள அரசு உதவி பெறும் பள்ளியான என்.எஸ்.வி.வி. ஆண்கள் மேல்நிலைப்பள்ளியில் ஆங்கில பட்டதாரி ஆசிரியராக பணியாற்றி வருபவர் ராஜேஷ்கண்ணா. இவர், மதுரை ஐகோர்ட்டு கிளையில் தாக்கல் செய்துள்ள மனுவில் கூறி இருப்பதாவது:–நான், ஆங்கில பாடத்தில் பி.ஏ முடித்து விட்டு எம்.ஏ படித்தேன். அதன்பின்பு, பி.எட் முடித்தேன். என்னுடன் ஸ்ரீகாந்த் என்பவர் தமிழ் பட்டதாரி ஆசிரியராக பணியாற்றி வருகிறார். அவர், பி.ஏ தமிழ் படித்த போது இரு பட்டங்களை பெற்றுக்கொள்ளும் திட்டத்தின் கீழ் பி.ஏ ஆங்கில பட்டமும் பெற்றுள்ளார். அதன்பின்பு, எம்.ஏ ஆங்கிலம் படித்துள்ளார். இந்த நிலையில் ஸ்ரீகாந்துக்கு, 3.10.2013 அன்று ஆங்கில முதுகலை பட்டதாரி ஆசிரியர் பதவி உயர்வு வழங்கி பள்ளி நிர்வாகம் உத்தரவிட்டது.

நியாயமற்றது

இந்த பதவி உயர்வுக்கு அங்கீகாரம் அளிக்க மாவட்ட தொடக்க கல்வி அதிகாரிக்கு பள்ளிநிர்வாகம் விண்ணப்பித்துள்ளது. ஒரே பாடத்தை எடுத்து பி.ஏ, எம்.ஏ படித்தவர்களுக்கு பதவி உயர்வில் முன்னுரிமை அளிக்க வேண்டும் என்று அரசாணை உள்ளது. இதுபோன்ற சூழ்நிலையில், தமிழ் பாடத்தில் பி.ஏ படித்து விட்டு ஆங்கில பாடத்தில் எம்.ஏ படித்தவருக்கு பதவி உயர்வில் முன்னுரிமை அளிப்பது நியாயமற்றது.எனக்கு பதவி உயர்வு வழங்க வேண்டும் என்று பள்ளிக்கல்வித்துறை இணை இயக்குனரிடம் மனு கொடுத்தேன். ஆனால், அவர் எனது கோரிக்கையை 27.2.2014 அன்று நிராகரித்து உத்தரவிட்டார். இந்த உத்தரவை ரத்து செய்து விட்டு, எனக்கு ஆங்கில முதுகலை பட்டதாரி ஆசிரியர் பதவி உயர்வு வழங்க உத்தரவிட வேண்டும்.இவ்வாறு மனுவில் கூறப்பட்டுள்ளது.

நோட்டீசு

இந்த மனு நீதிபதி ரவிச்சந்திரபாபு முன்னிலையில் விசாரணைக்கு வந்தது. மனுதாரர் சார்பில் வக்கீல் ஹேமாகார்த்திகேயன் ஆஜராகி வாதாடினார்.மனுவை விசாரித்த நீதிபதி, இந்த வழக்கு சம்பந்தமாக பள்ளிக்கல்வித்துறை இணை இயக்குனர், திண்டுக்கல் மாவட்ட தொடக்க கல்வி அதிகாரி ஆகியோர் பதில் அளிக்க நோட்டீசு அனுப்ப உத்தரவிட்டார்.

+2 முடித்த மாணவர்களுக்காக.....கல்வி கண்காட்சி...

மத்திய அரசு ஊழியர்களுக்கு 10%அகவிலைப்படி உயர்வுக்கான மத்திய அரசின் ஆணை வெளியீடு.

மாற்றுத்திறனாளிகளுக்கு குரூப் 4 பணி: ஏப்ரல் 1-ல் 2-ம் கட்ட கவுன்சலிங்..


டி.என்.பி.எஸ்.சி. செயலாளர் மா.விஜயகுமார் புதன்கிழமை வெளியிட்ட செய்திக்குறிப்பில் கூறியிருப்பதாவது:

இளநிலை உதவியாளர், தட்டச்சர், சுருக்கெழுத்து தட்டச்சர் (கிரேடு-3) ஆகிய பதவிகளில் மாற்றுத்திறனாளிகளுக்கான காலியிடங்களை நிரப்புவதற்கு கடந்த 2011-ம் ஆண்டு ஆகஸ்ட் 7-ம் தேதி சிறப்பு குரூப்-4 தேர்வு நடத்தப்பட்டது. இந்தத் தேர்வு மூலம் பணியில் சேர்ந்து விலகிய மற்றும் நிரப்பப்படாத காலியிடங்களை நிரப்ப 33 பேர் தேர்வு செய்யப்பட்டுள்ளனர். அவர்களின் பதிவு எண்கள் டி.என்.பி.எஸ்.சி. இணையதளத் தில் (www.tnpsc.gov.in) வெளியிடப்பட்டுள்ளன.

அவர்கள் எழுத்துத் தேர்வு மதிப் பெண், தொழில்நுட்ப கல்வித்தகுதி, காலிப்பணியிடம் மற்றும் இட ஒதுக்கீடு அடிப்படையில் கலந் தாய்வுக்கு அனுமதிக்கப்படுவர். சான்றிதழ் சரிபார்ப்பு மற்றும் கலந்தாய்வு முறையிலான துறை ஒதுக்கீடு ஏப்ரல் 1-ம் தேதி காலை 8.30 மணிக்கு சென்னை பாரிமுனையில் உள்ள டி.என்.பி.எஸ்.சி. அலுவலகத்தில் நடக்கும். கலந்தாய்வுக்கான அழைப்புக் கடிதம் தேர்வர்களுக்கு அனுப்பப் பட்டுள்ளது. அழைப்பு அனுப்பப் பட்ட விண்ணப்பதாரர்கள், தங்களது அனைத்து மூலச் சான்றிதழ்கள் மற் றும் சான்றொப்பமிடப்பட்ட நகல் சான்றிதழ்கள், 2 போட்டோ ஆகிய வற்றை கலந்தாய்வுக்கு வரும் போது தவறாமல் கொண்டுவர வேண்டும்.

மேலும் இது மாற்றுத் திறனாளி களுக்கான கலந்தாய்வு என்பதால் உரிய மருத்துவரிடமிருந்து பெறப் பட்ட சான்றிதழில் ஊனத்தின் தன்மை, ஊனத்தின் விழுக்காடு மற்றும் பணிகளை திறம்பட செய் வதற்கு ஊனம் தடையாக இருக் காது என்ற சான்றையும் அவசியம் பெற்று சமர்ப்பிக்க வேண்டும். ஏற் கெனவே விண்ணப்பத்துடன் இச் சான்று இணைக்கப்பட்டிருந்தால் தற்போது அது தேவையில்லை. கலந்தாய்வுக்கு வரத் தவறினால், மறுவாய்ப்பு அளிக்கப்படாது. இவ் வாறு விஜயகுமார் கூறியுள்ளார்.

முக்கியச் செய்தி

தமிழக அரசின் புதிய தலைமைச் செயலாளராக "மோகன் வர்கீஸ்"நியமனம்...

குழந்தைகள் கற்க ஒரு இணையதளம்


All of the best K-5 online, interactive, educational games and simulations in one place! 

Look for NEW activities added for the 2013-2014 school year!

Maths

English language Arts

Science

Social studies

Art

Brainteasers

Teacher Tools

மத்திய அரசு ஊழியர்களுக்கு 10%அகவிலைப்படி உயர்வுக்கான மத்திய அரசின் ஆணை வெளியீடு

PERAVAI NEWS::::
Finmin Orders on DA - Payment of Dearness Allowance to Central Government employees - Revised Rates effective from 1.1.2014
No.1/1/2014-F-II (B)
Government of India
Ministry of Finance
Department of Expenditure
North BlockNew Delhi
Dated: 27th March. 2014
OFFICE MEMORANDUM
Subject: Payment of Dearness Allowance to Central Government employees - Revised Rates effective from 1.1.2014.
The undersigned is directed to refer to this Ministry’s Office Memorandum No.I-8/2013-E-II (B) dated 25th September, 2013 on the subject mentioned above and to say that the President is pleased to decide that the Dearness Allowance payable to Central Government employees shall be enhanced from the existing rate of 90% to 100% with effect from January, 2014.

2. The provisions contained in paras 3, 4 and 5 of this Ministry’s O.M. No.1(3)/2008-E-11(B) dated 29th August, 2008 shall continue to be applicable while regulating Dearness Allowance under these orders.
3. The additional installment of Dearness Allowance payable under these orders shall be paid in cash to all Central Government employees.
4. The payment of arrears of Dearness Allowance shall not he made before the date of disbursement of salary of March. 2014.
5. These orders shall also apply to the civilian employees paid from the Defence Services Estimates and the expenditure will be chargeable to the relevant head of the Defence Services Estimates. In regard to Armed Forces personnel and Railway employees, separate orders will he issued by the Ministry of Defence and Ministry of Railways, respectively.
6. In so far as the employees working in the Indian Audit and Accounts Department are concerned, these orders are issued with the concurrence of the Comptroller and Auditor General of India.
sd/-
(A.Bhattacharya)
Under Secretary to the Government of India
Source: www.finmin.nic.in
[http://finmin.nic.in/the_ministry/dept_expenditure/notification/da/da01012014.pdf]

10ம் வகுப்பு விடைத்தாள் திருத்தும் பணி 5 நாட்களில் முடிகிறது!!





சென்னை: "தமிழகத்தில், லோக்சபா தேர்தல் முடிந்த பின், 10ம் வகுப்பு விடைத்தாள் திருத்தும் பணி துவங்கும்" என தேர்வுத்துறை வட்டாரம் தெரிவித்துள்ளது.
இதுகுறித்து தேர்வுத்துறை அதிகாரிகள் சிலர் கூறியதாவது: பத்து லட்சம் மாணவ, மாணவியர், 10ம் வகுப்பு தேர்வை எழுதுகின்றனர். ஒரு மாணவருக்கு, ஏழு தேர்வுகள் வீதம், 70 லட்சம் விடைத்தாள்களை திருத்த வேண்டி உள்ளது. தமிழகத்தில், 12 ஆயிரம் பள்ளிகளில் இருந்து பாட வாரியாக, ஐந்து ஆசிரியர்கள் வீதம், 60 ஆயிரம் ஆசிரியர்களை விடைத்தாள் திருத்தும் பணியில் ஈடுபடுத்த உள்ளோம்.
ஒரு ஆசிரியர் நாள் ஒன்றுக்கு, 30 விடைத்தாள் திருத்துவார். அதன்படி ஒரு நாளில், 18 லட்சம் விடைத்தாள்களை திருத்த முடியும். அதிகபட்சமாக, ஐந்து நாளுக்குள் விடைத்தாள் திருத்தும் பணியை முடிப்போம். தேர்தல் பணி பயிற்சி வகுப்பில், ஆசிரியர் பங்கேற்க இருப்பதால், தேர்தலுக்குப் பின், பணியை துவக்கி, ஏப்ரல் இறுதிக்குள் முடித்து விடுவோம். இவ்வாறு அதிகாரிகள் தெரிவித்தனர்.
வழக்கமாக, விடைத்தாள் திருத்தும் பணி 15 அல்லது 20 நாள் என இழுவையாக நடக்கும். ஆனால் இந்த ஆண்டு விடைத்தாள் திருத்தும் பணியை, விரைந்து முடிக்க அதிக ஆசிரியர்களை, விடைத்தாள் திருத்தும் பணியில் ஈடுபடுத்தி இயக்குனர் நடவடிக்கை எடுத்து உள்ளார். இதனால், தேர்வு முடிவும், விரைவில் வெளிவர வாய்ப்பு உள்ளது.
தேர்வு மையங்களில் இருந்து, விடைத்தாள்களை திருத்தும் மையங்களுக்கு கொண்டு செல்லும் பணியில், முன்னணி தனியார் பார்சல் நிறுவன வாகனங்களை, தேர்வுத்துறை ஈடுபடுத்தி வருகிறது. "கடந்த ஆண்டு, இந்த பணிக்காக, 2.8 கோடி ரூபாயை, அஞ்சல் துறைக்கு, தேர்வுத்துறை வழங்கியது. தற்போது, தனியார் நிறுவனங்கள் பயன்படுத்தப்படுவதால், இந்த ஆண்டு செலவு குறையும்" என தேர்வுத்துறை தெரிவித்துள்ளது.

12 ஆம் வகுப்பு பரீட்சை முடிந்துவிட்டது இனி?

12 ஆம் வகுப்பு பரீட்சை முடிந்துவிட்டது. இனி அடுத்து படிக்கப்போகும் படிப்பைப்பற்றியோ, அல்லது எதிர்காலம் என்ன என்பது பற்றியோ வீட்டிலும், நண்பர்கள் மத்தியிலும், சந்திக்கும் நபர்களிடமிருந்தும் பலவிதமான ஆலோசனைகள் இலவசமாக கிடைத்தவாறு இருக்கும்.

நன்கு படித்த மாணவ மாணவிகள் பெரும்பாலும் இந்த படிப்பைத்தான் படிக்க வேண்டும் என்பதில் ஓரளவு தெளிவான முடிவுகளுடன் இருப்பர். இருந்தாலும் கல்லூரியை தேர்ந்தெடுப்பது குறித்து குழப்பங்கள் இருக்கும். அதே நேரத்தில் தேர்வு முடிவுகள் வந்தவுடன் பார்த்துக்கொள்ளலாம் என்று சராசரி படிப்புடைய மாணவ மாணவிகள் பலரும் இருப்பார்கள்.
சூழ்நிலை
குறைவான மதிப்பெண்கள் எடுத்த பலரும் பொருளாதார வசதியின் காரணமாக நன்கொடைகளை வழங்கி நல்ல கல்லூரியை தேர்ந்தெடுத்துவிடுகின்றனர், அதே போன்று நல்ல மதிப்பெண்கள் எடுத்த சிலர், கல்விக்கட்டணங்கள் மற்றும் கல்லூரியின் சூழ்நிலைக்கு ஏற்ப தங்களால் செலவு செய்ய முடியாது, என்று வேறு படிப்புகளில் படிக்க வைப்பதும், அல்லது வேறு கல்லூரியை தேர்ந்தெடுப்பதும் நடந்துகொண்டுதான் இருக்கின்றன.
நல்ல இலட்சியங்களுக்கும், சிறப்பான சாதனைகளுக்கும்  பொருளாதாரம் எப்பொழுதும் தடையாக இருந்துவிடுவதில்லை, என்பது பெரும் சாதனையாளர்களின் வாழ்வில் இருந்து நாம் கற்றிருக்கிறோம். பணம் இருக்கிறது என்பதற்காக படிக்க முடியாத பாடத்தை எடுத்துவிட்டு, அரியர்களுடன் பொழுதையும், பணத்தையும் செலவு செய்து கொண்டிருக்கும் எத்தனையோ பேரை நாமும் கண்டிருப்போம். பணம் இருக்கிறது என்றாலும், இல்லை என்றாலும், பெருமைக்காக படிக்காமல் தன்னால் முடிந்ததை படிக்கவேண்டும் என்பதை உணர வேண்டும். தன்னால் படிக்க முடிந்தது பொருளாதாரத்தால் தடை பட்டால் என்ன செய்வது?
பொருளாதாரம்
இன்றைக்கு நன்கு படிக்கக்கூடிய மாணவர்களுக்கு வங்கிகள் கடன் உதவி அளிக்கிறது. வங்கிக்கடன் மூலம் தான் விரும்பும் படிப்பை படிக்கலாம். இருந்தாலும், சில வங்கிகளின் சில நிபந்தனைகள் அதையும் எட்டாக்கனியாக்கிவிடுகின்றது. சில நல்ல உள்ளங்களின் உதவியோடும், அறக்கட்டளைகளின் உதவித்தொகையின் மூலமும் சிலர் படிப்பைத்தொடர்கின்றனர்.
இவை தவிர்த்து தற்போதைய கல்லூரி நேர மாற்றங்களின் விளைவாக கூடுதலான நேரம் கிடைக்கிறது. இதன் மூலம் பகுதி நேர வேலை வாய்ப்பினை பெற்று அதனால் கிடைத்த பொருளாதாரத்தைக் கொண்டு முடிந்த அளவு கல்விச் செலவுகளை ஈடு செய்ய முயற்சிக்கலாம். இவை யாவும் கை கூடவில்லை என்றாலும், மனம் தளராமல் கிடைக்கும் வாய்ப்புகளை தவறவிடாமல், கிடைத்த வாய்ப்பில் எது தனது விருப்பத்திற்கு ஏற்ற படிப்பினை சார்ந்து வருகிறது என கண்டுபிடித்து, அதனை வெற்றிகரமாக படித்து, பிறகு அதன் மூலம் பெறக்கூடிய பலன்களைக் கொண்டு தனது சரியான எண்ணங்களின் வழியாக வெற்றி நடை போடலாம்.
குழப்பங்கள்
படிப்பினை தேர்ந்தெடுத்து வைத்திருப்பவர்களை விட, மதிப்பெண்கள் வந்தவுடன் முடிவெடுத்துக்கொள்ளலாம் என்று நினைப்பவர்களுக்குத்தான் பல குழப்பங்கள் வரும். ஏனெனில் கல்லூரியை தேர்ந்தெடுப்பதா? அல்லது பாடத்தை தேர்ந்தெடுப்பதா? அல்லது பாடத்திற்கு ஏற்ற கல்லூரியை தேர்ந்தெடுப்பதா? எந்த ஊரில் படிப்பது? என பல கேள்விகள் அதிக அளவில் இவர்களை துளைக்கும். ஏனெனில் பலரும் ஏன் படிக்கிறேன், எதற்கு படிக்கிறேன் என்று தெரியாமலேயே படிப்பை தேர்ந்தெடுத்து, அது குறித்த பெரிய கவலையோ, கலக்கமோ இன்றி இறுதியாண்டு வரை வந்துவிடுகின்றனர். இறுதியாண்டில் வேலை, அடுத்து என்ன செய்வது என்பது போன்ற சிந்தனைகள் வரும்போதுதான், தங்கள் படிப்பைப்பற்றி பெரிய அளவில் சிந்திக்கின்றனர். அப்படி சிந்திப்பவர்கள் இந்த வகையைச் சார்ந்தவர்களே.
இப்படிப்பட்ட குழப்பத்தில் உள்ளவர்கள் எந்த ஓரு சூழ்நிலையிலும் அதிக செலவுகளை ஏற்படுத்தும் பொறியியல் போன்ற படிப்புகளை தேர்ந்தெடுத்துவிடக்கூடாது. சில இலட்சங்கள் செலவு செய்துவிட்டு, அந்தத் துறை பிடிக்கவில்லை, என அதனை விட்டுவிட்டு வேறு துறையை தேர்ந்தெடுப்பது மிகவும் வலி தரக்கூடியது. ஆம், ஏனெனில் பெற்றோர் ஓவ்வொரு பருவத்திற்கும் எவ்வளவு கடினப்பட்டு பணம் ஏற்பாடு செய்து தர வேண்டியது இருக்கும் என்பதை எண்ணி பார்க்க வேண்டும்.  பிள்ளையின்  எதிர்காலம் பற்றிய மகிழ்வான எண்ணத்துடன் பல நெருக்கடிகளைச் சந்தித்து கடன் பெற்று, எவ்வளவு ஆசையுடன் நம்மை எதிர்பார்த்துக்கொண்டு இருப்பார்கள். அவர்களை துன்பப்பட வைத்து படித்துவிட்டு, வேண்டாம் என்று சொல்வதை விட, நிதானத்துடன் தயக்கம் குறைத்து நல்ல ஆலோசனையைப் பெற முயற்சிக்கலாமே.
தோல்வி
எதிர்பார்த்த மதிப்பெண்கள் கிடைக்கவில்லையே என்ற வருத்ததை விடவும், மிகுந்த துன்பத்தை தரக்கூடியதாக கருதப்படுவது தேர்வில் தோல்வி அடைவதாகும். தோல்வி அடைவதனால் ஏற்படும் கவலையை விட, அந்த தோல்விக்கு பிறர் கூறும் அறிவுரைகள், மேலும் பயத்தை உண்டாக்கி விடுகிறது. அது போல சில பெற்றோர் தங்கள் பிள்ளைகள், தேர்வில் அடையும் தோல்வியை, தங்கள் குடும்பத்தின் தோல்வியாக கருதி, தோல்வியடந்த உள்ளத்தை மேலும் காயப்படுத்திவிடுகின்றனர். உண்மையில், வாழ்வும் வாய்ப்பும் அத்துடன் முடிந்துவிடுவதில்லையே. பள்ளி செல்லாதவர்கள் எல்லாம் சாதிக்கும்பொழுது, தேர்வில் தோல்வி அடைந்தவர்கள் சாதிப்பதும் எளிதானது அல்லவா.  
தோல்வியை மான, அவமானமாகக் கருதுவதை பெற்றோரும், உறவினர்களும், மாணவர்களும் கைவிட வேண்டும். தோல்வி என்பது நிலையானது அல்ல, கடந்து வரக்கூடியதுதான் என்று எண்ண வேண்டும். தேர்வில் ஓருவேளை தோல்வி அடைந்தாலும், மாணவர்களும், இத்துடன் நம் எதிர்காலம் முடிந்துவிட்டது என் சிந்திக்காமல் அடுத்து வரும் வாய்ப்புகள், தங்கள் வாழ்வில் ஒளியேற்றும் என்று நம்பிக்கையும், விடா முயற்சியும் கொள்ளவேண்டும்.
மதிப்பெண்களை வைத்து வாழ்க்கை இல்லை என்பதை பெற்றோரும், மாணவர்களும் உணர்ந்து கொள்ள வேண்டும். மாணவர்கள் தங்களுடைய நல்ல விருப்பங்களை, இலட்சியங்களை வைத்துதான், தங்களுடைய சிறப்பான எதிர்காலத்தை தீர்மானிக்க வேண்டும். மதிப்பெண்களை வைத்து அல்ல. உற்சாகத்தையும், ஊக்கத்தையும் என்றும் கைவிடாமல் போராடினால், வெற்றி நமதே!

இத்தனை படிப்புகள் இருக்கா...?: வழிகாட்டி நிகழ்ச்சியில் மாணவர்கள் வியப்பு!!!

"இத்தனை படிப்புகள் இருப்பது இதுவரை எங்களுக்கு தெரியாது" என மதுரை தல்லாகுளம் லட்சுமிசுந்தரம் ஹாலில் நடக்கும் 
தினமலர் வழிகாட்டி நிகழ்ச்சிக்கு வந்திருந்த மாணவ, மாணவிகள் ஆச்சரியம் அடைந்தனர்.
அவர்கள் கூறியது:
ஜே.ஜெப்ரில்லா (மதுரை): நான் உயிரியல் கணிதம் குரூப் படித்த மாணவி. எனது தந்தை வர்த்தகர். பிளஸ் 2 தேர்வில் ஆயிரத்திற்கு மேல் மதிப்பெண் எதிர்பார்க்கிறேன். வழிகாட்டி நிகழ்ச்சியில் ஒரே இடத்தில் நிறைய கல்லூரிகளை பார்த்த பிறகு தான், நாட்டில் இவ்வளவு படிப்புகள் இருப்பதே தெரிகிறது. மாணவர்களுக்கு மிகவும் பயனுள்ள நிகழ்ச்சி இது.
எல்.நிவேதா (மதுரை): பிளஸ் 2 தேர்வில் 1000 மதிப்பெண்ணுக்கும் அதிகமாக எதிர்பார்க்கிறேன். எனக்கு "ஏரோஸ்பேஸ் இன்ஜினியரிங்" படிக்க ஆசை. எனது தந்தையும் அதைத் தான் எதிர்பார்க்கிறார். இங்கு வந்த பிறகு பல புதிய கல்லூரிகள் பற்றி தெரிந்துகொண்டேன். பயனுள்ள இந்நிகழ்ச்சிக்கு என்னுடன் படித்த மற்ற மாணவிகளையும் கட்டாயம் வரச் சொல்வேன்.
எஸ்.கிரண்பிரகாஷ் (மதுரை): எனக்கு சிவில் அல்லது சாப்ட்வேர் இன்ஜினியரிங் படிக்க ஆசை. வழிகாட்டி நிகழ்ச்சியில் ஸ்டால் வைத்துள்ள கல்லூரிகளை பார்த்த பிறகு, சிவில், சாப்ட்வேர் துறைகளைப் பற்றி நிறைய விஷயங்களை தெரிந்து கொண்டேன். இங்கு நடந்த கருத்தரங்கு பயனுள்ளதாக இருந்தது. அனைத்து ஸ்டால்களையும் பொறுமையாக பார்க்க விரும்புகிறேன்.
எஸ்.ரகுபாலன் (விருதுநகர்): பிளஸ் 2 தேர்வில் 1100 மதிப்பெண்ணுக்கும் அதிகமாக எதிர்பார்க்கிறேன். தகவல் தொழில்நுட்ப துறை பற்றி கருத்தரங்கில் கொடுக்கப்பட்ட விளக்கம் பயனுள்ளதாக இருந்தது. கருத்தரங்கில் எங்களுக்கு நிறைய தன்னம்பிக்கை தருகின்றனர். இதுவே எங்களுக்கு உற்சாகத்தை அளிக்கிறது. எங்கள் பள்ளியில் இருந்து மட்டும் 30 பேர் வந்துள்ளோம். நாளை(இன்று)யும் நிறைய நண்பர்களை அழைத்து வருவேன்.
டி.கலா (மதுரை): எனது மகளை அழைத்து வந்துள்ளேன். தினமலர் நாளிதழைப் பார்த்து, வழிகாட்டி பற்றி தெரிந்து கொண்டேன். என் மகள் 1,150 மதிப்பெண்ணுக்கும் அதிகமாக எடுப்பார் என எதிர்பார்க்கிறேன். எதிர்காலத்தில் என்ன படிக்கலாம் என திட்டமிடுவதற்காகவே இந்நிகழ்ச்சிக்கு வந்தோம். இங்கு நடக்கும் அனைத்து கருத்தரங்குகளிலும் கலந்துகொள்ள எண்ணியுள்ளோம்.
கே.ரேவதி (வில்லாபுரம்): என் மகளை அழைத்து வந்துள்ளேன். வழிகாட்டியில் வைக்கப்பட்டுள்ள &'இஸ்ரோ&' கண்காட்சி, பயனுள்ளதாக இருந்தது. இதை வேறு எங்கும் காண முடியாது. இங்கு பார்த்த பல விஷயங்கள் வியப்பாக இருந்தன. என் மகள் பயோடெக்னாலஜி துறையில் ஆராய்ச்சி செய்ய விரும்புகிறார். அதற்கு தேவையான தகவல்கள் இங்கு கிடைத்தன. இதற்காக தினமலர் நாளிதழுக்கு நன்றி சொல்ல வேண்டும்.

பள்ளி மற்றும் உதவித்தொடக்கக்கல்வி அலுவலகங்களில் தகவல் பலகையில் எழுதி வைக்கவேண்டிய விவரங்கள் குறித்து தொடக்கக்கல்வி இயக்குனர் உத்திரவு....

பள்ளி மற்றும் உதவித்தொடக்கக்கல்வி அலுவலகங்களில் தகவல் பலகையில் எழுதி வைக்கவேண்டிய விவரங்கள் குறித்து தொடக்கக்கல்வி இயக்குனர் உத்திரவு

இங்கே கிளிக் செய்து இயக்குனர் உத்திரவினை பதிவிறக்கம் செய்யலாம்...அனைத்திந்திய ஆசிரியர் பேரவை

ஆசிரியர்களின் ஓய்வூதிய பலன் கிடைப்பதை தாமதித்தால் கடும் நடவடிக்கை: பணியாளர்களுக்கு பள்ளிக்கல்வி இயக்குநர் கடும் எச்சரிக்கை.


ஆசிரியர்கள் மற்றும் அலுவலகப் பணியாளர்களின் ஓய்வூதிய பலன் கிடைப்பதை தாமதித்தால் சம்பந்தப்பட்ட பணியாளர்கள், அதிகாரிகள் மீது கடும் நடவடிக்கை எடுக்கப்படும் என்று பள்ளிக்கல்வி இயக்குநர் எச்சரிக்கை விடுத்துள்ளார்.
இது தொடர்பாக பள்ளிக்கல்வி இயக்குநர் வி.சி.ராமேஸ்வரன் முருகன், அனைத்து மாவட்டமுதன்மைக் கல்வி அதிகாரிகள் மற்றும் மாவட்ட கல்வி அதிகாரிகளுக்கு அனுப்பியுள்ள சுற்றறிக்கையில் கூறியிருப்பதாவது:பள்ளிக்கல்வித் துறையில் பணியாற்றி ஓய்வுபெறும் அரசு உயர்நிலை, மேல்நிலைப் பள்ளி தலைமை ஆசிரியர்கள், முதுகலை, பட்டதாரி ஆசிரியர்கள், பள்ளிகள், சார்நிலை அலுவலகங்களில் பணியாற்றி ஓய்வுபெறும் அலுவலர்கள் மற்றும் பணியாளர்களுக்கு பொது வருங்கால வைப்புநிதி (ஜி.பி.எப்.) இறுதி பணம், ஓய்வூதியம், ஓய்வூதிய பலன்கள் உடனடியாக கிடைக்க நடவடிக்கை எடுக்கப்பட்டுள்ளது.அரசு விதிமுறைகளின்படி ஓய்வு பெறும் நாளுக்கு 3 மாதங்களுக்கு முன்னதாகவே ஜி.பி.எப். இறுதி தொகை, ஓய்வூதியம் சம்பந்தப்பட்ட விவரங்களை உரிய ஆவணங்களுடன் மாநில கணக்காயருக்கு அனுப்பி ஓய்வுபெறும் நாளுக்கு மறுநாளே ஓய்வூதிய பலன்கள் பெற்று வழங்கப்பட வேண்டும்.ஓய்வூதிய பலன்கள் பெற்று வழங்குவதில் தாமதம் ஏற்பட்டால், தாமதம் ஆனதற்கு காரணமான பணியாளர்கள் அல்லது அலுவலர்களின் மேல் நடவடிக்கை எடுக்கப்படும். அதோடு ஓய்வூதிய பலன்களின் தொகைக்கான வட்டி, அவர்களிடமிருந்து பிடித்தம் செய்யப்படும் என்றும் எச்சரிக்கப்படுகிறது.எனவே, ஓய்வூதிய கருத்துருக்களை முழுமையான அளவில், ஓய்வு பெறுவதற்கு முன்னதாகவே மாநில கணக்காயருக்கு அனுப்பி காலதாமதமின்றி ஓய்வூதிய பலன்களை ஓய்வு பெறும் பணியாளர்களுக்கு பெற்று வழங்கப்படுவதை உறுதிசெய்ய வேண்டும். இவ்வாறு அதில் கூறப்பட்டுள்ளது.

Thursday, March 27, 2014

கலவரத்தில் உயிரிழக்கும் தேர்தல் அலுவலர்களுக்கு ரூ.20 லட்சம் நஷ்டஈடு

www.allindiateachersperavai.blogspot.com
கலவரத்தில் பலியாகும் தேர்தல்அலுவலர்களுக்கு ரூ.20 லட்சம் நஷ்டஈடுவழங்க தேர்தல் ஆணையம்உத்தரவிட்டுள்ளது. தேர்தலின் போதுஎதிர்பாராமல் நிகழும் கலவரங்கள்,வெடிகுண்டு தாக்குதல்களில்
தேர்தல் பணியில் ஈடுபடும் அலுவலர்கள்இறக்க நேரிட்டால் அவர்களதுகுடும்பத்தினருக்கு நஷ்டஈடு வழங்க மாநிலஅரசுகளை தேர்தல் ஆணையம்வலியுறுத்தியுள்ளது.
வன்முறை சம்பவங்களால் கை,கால்உள்ளிட்ட உறுப்புகளை இழக்கநேரிட்டாலோ, கண் பார்வைபாதிக்கப்படாலோ ரூ.5 லட்சம் நஷ்டஈடுவழங்கவும் தேர்தல் ஆணையம்வலியுறுத்தியுள்ளது. இது தொடர்பானஅறிக்கை மாநில தேர்தல் ஆணையர்கள்,தலைமைச் செயலர்களுக்குஅனுப்பப்பட்டுள்ளது. மேலும் தேர்தல்விதிமுறை அமலில் உள்ள நிலையில்அதிகாரிகள், அமைச்சர்கள் காணொலிகாட்சி முறையில் கூட்டம் நடத்தக்கூடாதுஎன்றும் அறிக்கையில்அறிவுறுத்தப்பட்டுள்ளது. இயற்கை பேரழிவுஉள்ளிட்ட தவிர்க்க முடியாத நேரங்களில்மட்டுமே மாவட்ட ஆட்சியர்களுடன்முதலமைச்சர் காணொலி மூலம் உத்தரவுபிறப்பிக்கலாம் என்றும் இது தொடர்பான சி.டிதேர்தல் ஆணையத்திடம் வழங்க வேண்டும்என்றும் அறிக்கையில் கூறப்பட்டுள்ளது

கல்வி உதவித்தொகைகள் பற்றிய பல தகவல்களைக் கொண்டிருக்கும் சில இணையதளங்களின் முகவரிகள உங்களுக்காக...

தேர்தலுக்கு 5 நாட்கள் முன்பே ஓட்டு சாவடி சீட்டு: விநியோகிக்க தேர்தல் கமிஷன் உத்தரவு

'ஓட்டுப் பதிவுக்கு, ஐந்து நாட்களுக்கு முன்பாக, வாக்காளர்களுக்கு, புகைப்படத்துடன் கூடிய, 'ஓட்டுச் சாவடிச் சீட்டு' வழங்கும் பணி, நிறைவு பெற வேண்டும்' என, தேர்தல் கமிஷன் உத்தரவிட்டுள்ளது.


இது தொடர்பாக, தேர்தல் கமிஷன், அனைத்து மாநில, தலைமைத் தேர்தல் அதிகாரிகளுக்கு, அனுப்பியுள்ள கடிதத்தில் கூறியிருப்பதாவது:

* வாக்காளர்களுக்கு வழங்கப்படும், ஓட்டுச் சாவடி சீட்டு, தரமான காகிதத்தில், அச்சிடப்பட வேண்டும். வாக்காளரின் புகைப்படம், தெளிவாக இடம் பெற வேண்டும்.

* சீட்டு, ஒரு, 'செட்' மட்டும் அச்சிடப்பட வேண்டும்.

* அச்சிடப்பட்ட, புகைப்படத்துடன் கூடிய, ஓட்டுச் சாவடி சீட்டு, ஓட்டுச் சாவடி அலுவலர் மூலம், வாக்காளர்களுக்கு விநியோகிக்கப்பட வேண்டும்.

* அந்தச் சீட்டில், அதை விநியோகம் செய்யும் அலுவலர் கையெழுத்து, இடம் பெற வேண்டும். சாவடி சீட்டை, சம்பந்தப்பட்ட வாக்காளர் அல்லது அவரது வீட்டில் உள்ள வயது வந்தோரிடம் ஒப்படைக்க வேண்டும்.

* சாவடி சீட்டு பெறுவோரின் கையெழுத்து அல்லது கைரேகையை, ஓட்டுச் சாவடி அலுவலர், சீட்டு பெற்றுக் கொண்டதற்கு அடையாளமாக, பதிவேடில் பெற வேண்டும்.

* வாக்காளர் இல்லாமல் இருந்தால், வீடு மாறியிருந்தால், இறந்திருந்தால், அவரின் சீட்டை தனி நோட்டில் ஒட்டி வைக்க வேண்டும். சம்பந்தப்பட்ட வாக்காளர்கள், அன்றைய தினம், வாக்காளர் அடையாள அட்டையுடன் சென்றால், ஓட்டுச் சாவடி அலுவலர், நோட்டை சரி பார்த்த பின், ஓட்டளிக்க அனுமதிப்பார்.

* சீட்டு வழங்கப்பட்ட விவரம், அரசியல் கட்சிகளுக்கும், அங்கீகரிக்கப்பட்ட அரசியல் கட்சிகளின், ஓட்டுச் சாவடி ஏஜன்டுகளுக்கும், வேட்பாளரின் ஏஜன்டுகளுக்கும் வழங்கப்பட வேண்டும். அவ்வாறு செய்யாத, ஓட்டுச் சாவடி அலுவலர் மீது, உரிய நடவடிக்கை எடுக்கப்படும்.

* இப்பணியை தேர்தல் அலுவலர் கண்காணிக்க வேண்டும்.

* இந்தச் சீட்டுகளை, மொத்தமாக ஒருவரிடம், ஒப்படைத்து விநியோகிக்கக் கூடாது.

* விநியோகிக்கப்படாத சீட்டுகளை, உதவி தேர்தல் அலுவலர் அலுவலகத்தில், பாதுகாப்பாக வைத்திருக்க வேண்டும். ஓட்டுச் சாவடி சீட்டு கிடைக்காதோர், அங்கு வந்து வாங்கிக் கொள்ள, ஏற்பாடு செய்ய வேண்டும்.

* சீட்டு விநியோகம், தேர்தலுக்கு, ஐந்து நாட்களுக்கு முன், முடிக்கப்பட வேண்டும்.

* சீட்டின் பின்புறம், 'ஓட்டுச் சாவடிக்குள், கேமரா, மொபைல் போன், போன்றவற்றை எடுத்து செல்லக் கூடாது' போன்ற விபரங்கள் அச்சிடப்பட வேண்டும்.

* சீட்டை, வேறு யாரும் நகல் எடுத்து விநியோகிக்கக் கூடாது. இவ்வாறு, கடிதத்தில் குறிப்பிடப்பட்டுள்ளது.

ஆசிரியர்களுக்கு தொலைதூரதேர்தல் பணியை தவிர்க்கக் கோரிக்கை

ஆசிரியர்களுக்குத் தொலைதூர தேர்தல் பணி அளிப்பதைத் தவிர்க்க வேண்டும் என தமிழ்நாடு தொடக்கப்பள்ளி ஆசிரியர் மன்றம் கோரிக்கை விடுத்துள்ளது.


இதுகுறித்து நாகை மாவட்ட டிட்டோஜேக் ஒருங்கிணைப்பாளரும், தமிழ்நாடு தொடக்கப்பள்ளி ஆசிரியர் மன்ற மாவட்டச் செயலருமான பா. ரவி நாகை மாவட்ட ஆட்சியருக்கு அனுப்பியுள்ள கோரிக்கை மனுவின் விவரம்:

ஆசிரியர்கள் பணியாற்றும் சட்டப்பேரவைத் தொகுதிக்கு அருகிலுள்ள தொகுதிகளில் தேர்தல் பணிவாய்ப்பு வழங்க வேண்டும். மாறாக, தொலைதூரத்தில் தேர்தல் பணி அளிப்பதால், ஆசிரியைகள் பெரும் அவதிக்குள்ளாக நேரிடுகிறது.

ஆசிரியர்களுக்கு எந்த வாக்குச் சாவடி மையத்தில் பணி வழங்கப்படுகிறது என்ற விவரத்தை 2 நாள்களுக்கு முன்பு தெரிவிக்க நடவடிக்கை எடுக்க வேண்டும். இதன் மூலம், தன்னுடைய பணியிடத்துக்குச் செல்வதற்கான முன்கூட்டிய திட்டமிடலை ஆசியர்கள் மேற்கொள்ள முடியும்.

ஆசிரியர்களுக்கு, அவர்களின் ஊதியவீதத்தின் அடிப்படையில் தேர்ல் பணி வழங்க வேண்டும். கர்ப்பிணிகள், உடல் நலம் பாதிக்கப்பட்டவர்கள், மாற்றுத் திறனாளிகள், பணி நீட்டிப்பில் உள்ளவர்கள் ஆகியோருக்கு தேர்தல் பணியைத் தவிர்க்க வேண்டும் என அந்தக் கோரிக்கை மனுவில் கேட்டுக் கொள்ளப்பட்டுள்ளது.

விடைத்தாள் திருத்தும் பணி சீனியர்களுக்கு கல்தா - தேர்வுத்துறை உத்தரவு.

பிளஸ் 2 விடைத்தாள் திருத்தும் பணியில், சீனியர் ஆசிரியர்களை ஈடுபடுத்தாமல், ஜுனியர்களை ஈடுபடுத்த வேண்டும் என, தேர்வுத்துறை உத்தரவிட்டுள்ளது.

பிளஸ் 2 பொதுத்தேர்வு நாளையுடன் (மார்ச் 25) முடிவடைகிறது. விடைத்தாள்களை திருத்துவதற்காக, மாநிலம் முழுவதும் 66 மதப்பீட்டு மையங்கள் அமைக்கப்பட்டுள்ளன. மொழிப்பாடங்களுக்கான விடைத்தாள் திருத்தும் பணி மார்ச்21ல் துவங்கியது. மற்ற பாடங்களுக்கு, ஏப்.,3 ல் துவங்குகிறது. கடந்த ஆண்டு, விடைத்தாட்களை சரியாக திருத்தாததால், பல்வேறு குளறுபடிகள் ஏற்பட்டன.

இதனால், பாதிக்கப்பட்ட மாணவர்களுக்கு தொழிற்கல்வி கல்லூரிகளில் இடம் கிடைப்பதில் சிக்கல் ஏற்பட்டது. இந்த குளறுபடிகளை தடுக்க, விடைத்தாள் திருத்தும் பணியில், சில மாற்றங்களை செய்து, தேர்வுத்துறை உத்தரவிட்டுள்ளது.அதன்படி, இயற்பியல், வேதியியல், உயிரியல், கணிதம், விலங்கியல், தாவரவியல் போன்றமுக்கிய பாடங்களின் விடைத்தாள்களை திருத்துவதற்கு, சீனியர் ஆசிரியர்களை அனுமதிக்க வேண்டாம். ஜுனியர் ஆசிரியர்களை மட்டுமே பயன்படுத்த வேண்டும் என, முதன்மை கல்வி அலுவலர்களுக்கு, உத்தரவிடப்பட்டுள்ளது